粗口滿天飛

不知粗口是何時進入你的生命？你第一次講粗口又在何時呢？

一個人講不講粗口，跟他身處的家庭和學校環境有關。如果他家人也是粗口滿天飛，我相信作兒女很難不耳儒目染，有樣學樣了。跟學生討論過講粗口的問題，為甚麼時下初中生喜歡講粗口呢？其實是一種氣氛，大家都講，你不講就奇怪了。就算在學校不公然講，在msn也是粗口滿天飛。

老實講，我好憎人講粗口，尤其是女仔。不要以為我歧視女性，而是因為廣東話粗口中所謂的「一門五傑」(門字部的五個粗口字) 中，有四個是指男性性器官，一個指女性性器官。粗口字其實萬變不離其中，無論配搭甚麼其它字，都是講男女性行為，是侮辱女性的字眼。我曾聽過一番妙問妙答，一位女同學說：「我 X」(X是單字粗口)，另一位男同學立即駁斥她：「乜你可以咩？」所以，如果女孩子講粗口，其實用一些侮辱女性的字眼去羞辱自己，非常愚蠢。

在網上找到一篇《講粗口的十大謬誤》，講得很好！

講粗口的十大謬誤

（一） 「問候我都算，問候我娘親就勢係假」：錯，身體髮膚，受諸父母，人家問候自己，不就等於問候自己娘親嗎？

（二） 「女人講粗口比男人動聽」：錯，無根據，但如果講粗口果個係你勁「冧」o既女人，就有可能。

（三） 「粗口可以戒」：錯，語言學家話，自小學懂的語言，一生一世都記得，口唔講，唔代表心唔講。

（四） 「粗口可以促進溝通」：錯，教寫作的都話，溝通宜簡單直接，一氣呵成。一句話，無端端在第一、三、五、七、九個字之間加多道「門」，費時失事，兼阻塞通道。

（五） 「粗口可以增加氣氛」：唔一定，視乎場合，在地下賭檔玩牌九，唔講分分鐘以為你來放蛇，但在公共場所大聲講，只會令氣氛更緊張。

（六） 「講粗口的冇好人」：錯，等於話好人唔會講粗口一樣，冇任何理據，不合邏輯，但在不適當場合講，則肯定會破壞人家對自己的印象。

（七） 「講粗口是一種藝術」：錯，應該係唔講都能夠達到講的效果，才是藝術，或者講左人地都唔覺，難度更高。

（八） 「現場睇波睇跑馬，唔講粗口唔過癮」：錯，咁嘈，鬼聽到自己講咩，只係聽到人地講咋。

（九） 「唔講粗口會口臭」：錯，醫學上並無根據，口臭成因好多，可能因為冇用高X潔，或者冇用一比九十九。

（十） 「粗口可以增加性趣」：吓，又係「情色版」講架？

講真，我不覺得講粗口有型。

口舌招尤！控制舌頭！戒粗吧！

聖經說：「就要禁止舌頭不出惡言，嘴唇不說詭詐的話。」(詩34:13)；「污穢的言語，一句不可出口，只要隨事說造就人的好話，叫聽見的人得益處。」(弗4:29)

歡迎留言，但不要用粗口。

.