中一福音營後感

13-14/2/2009，中一福音營《新造的人》

開初搞呢個camp，擔心無乜人去，又有d擔心得2日1夜好似唔夠喉喎...

但天父爸爸總是滿有恩典，祂讓我在過程中看到祂奇妙的作為。第一，坐旅遊車來回的兩程天都下雨，但camp整個過程都無落雨，好奇妙！第二，是偶然遇上的驚喜，負責的浸會園職員，竟是我當突破義工時的朋友瓊芬！第三，一班團契職員非常盡心盡力義無反顧的幫手，當我知道原來有職員放棄學界田徑賽都來幫手，我內心都好感動。第四，我book左60個宿營位，本來報名情況是慢熱的，但天父總會眷顧，衪給我們的，永遠不會太多也不會太少，而是剛剛好。結果真係 just make: 剛剛好60人，無多又無少！

雖然只係2日1夜，但活動都幾深刻。「黑夜探索」要學生蒙眼體驗黑暗，由原先扶住咁行，到後來要分開2個2個，到得番1個人，要你搵番同伴。漆黑中播出詩歌《誰曾應許》，我覺得好有意思，即使係最徬徨失意之時，神仍然響你身邊，當你真係經歷過，你會永世難忘呢種溫柔貼心的感覺！第二日「見證分享」，瓊芬講原來佢自己患有cancer，果刻我都好愕然，因為我同佢年紀係一樣的。生命實在有太多我地不能控制的事，我們可以做的，就係要把握我地僅有(雖然唔知係幾多)的時間，好好活每一天！

仲有個轉轉轉、夜晚玩MCkiller、玩UNO罰做掌上壓，都幾好玩....

見到學生投入參與，就是自己最大的收穫。

.