曾蔭權你唔好去死?

「曾蔭權你唔好去死？」這是我聽到曾特首講及六四後的即時反應。

以下是曾特首的9up發言：

「…但事件發生了到現時已經很多年了。其間，國家在各方面的發展都得到驕人的成就，亦為香港帶來經濟的繁榮。我相信香港人對國家的發展會作出客觀的評價。」吳靄儀即追問：「是否經濟搞得好，就可以不承認殺人呢？香港為了分享利益，是否就應該埋沒良心呢？」曾蔭權說：「我的意見是代表香港人整體意見。」

TVB新聞：曾特首對六四的言論(14/5/09)

我想過，這會不會是特首曲線宣傳六四晚會的方法？一如馬力的「坦克轆豬論」，刺激了當年六四晚會的參加人數。其實特首你係間諜，你暗中幫梗傳媒可以炒作呢單新聞，曲線地使香港人不忘記六四呢段血淚史。曾特首犧牲小我，完成大我，情操何其高尚也！

我又想過，從同情特首的方向去想。喂，特首都是打份牛工，佢要做好呢份工，一方面要對得住香港市民，又唔可以得失大陸呢支「大水喉」，難度好高架！有人說，香港目前的政治現實係「西環管治中環」(中聯辦總部在西環，特區政府總部在中環)。所以，別怪他！

以上兩個想法都曾瞬間出現過在我的腦袋，但旋即還是被那句「曾蔭權你唔好去死！？」取代了。若你仔細留意新聞片段，你會發現，當旁聽席有市民激動得指著曾特首大罵時，鏡頭下的曾特首展露出一個不屑的嘴臉！

我想問：曾特首你好似係天主教徒，如果你上天堂見到六四被開槍殺死的青年，你估他們會跟你說甚麼？

網上歌曲: donald tsang, please die

這個歌名，翻成中文就是「曾蔭權你唔好去死！？」其中有個比喻都好中：「假設donald今日你俾人斬左隻手，二十年後嗰個人發咗達又做埋特首，你會否因為佢嘅成就，然後叫自己不要追究？」我相信呢首口水歌是不少人的心聲。

Donald Tsang, you upset me,
you upset all Hong Kong people!

延伸閱讀：
彭志銘：曾蔭權不能代表我之謎
.