K-Lunch

禍從口出，病從口入。大概嘴巴是最易犯罪的身體器官。

早前講過「禍從口出」(粗口)，今次講「病從口入」(毒品)。

K-Lunch的新聞已是街知巷聞(上水官中5個F2女生lunch time索K)。索K這股風氣已是蔓延得非常快，由於K仔便宜(有平民可卡因之稱)，又無色無味，易於收藏，是2001-2008年之21歲以下青少年最多濫用的精神科毒品，青少年索K比率更是世界之冠。《星期X檔案》兩週前訪問過正生戒毒所，本來只有40學額，現時迫爆營舍收至120人，年紀最小的吸毒者是10歲。《教協報》報導，有學校初中級近八成同學吸毒，由用家做到拆家再做到莊家(日賺幾千足夠食「可樂」)，band3學校明知情況嚴重，卻害怕殺校不敢揭發，結果搞到「返學等放學，放學飲可樂」。不單在學校，屋企也是索K聖地，相約三五知己返屋企開P，原來係索K，神不知鬼不覺。更令人擔憂的是，上週財政預算案加煙稅50%，索K仲平過吸煙。雖然我個人很同意加煙稅，但擔憂確是合理，部分吸煙學生會轉投更高危的K仔懷抱。

K仔(氯胺酮,Ketamine)是一種手術用麻醉鎮靜劑，它的禍害不用多說，也知非常大鑊！索K後好high只係一時之間的快感，可是神經系統受損、嚴重損害記憶力、出現幻聽及受迫害等精神病徵狀、膀胱嚴重發炎至縮小至衰竭，這些禍害都係一世陪伴你！講到監禁，藏有1克以上的K仔，判刑2-14年(1克以下由法官判定)。我真的不明白，禍害如此明顯，除了「想死」之外，我想不出任何理由仍然有這麼多人會索K。「好奇心」三個字可以解釋一切嗎？「朋輩壓力」四個字可以大到連生命安危也不顧？唉！呢個係咩世代！？

年青人，當心魔鬼的攻擊！牠是最狡猾的！魔鬼不會正面地告訴你：「你做衰野啦，唔好做乖仔啊，唔好聽神講野啦！」牠只會「兜一大個圈」跟你說：「試下啦！試下唔駛死的！你都好想試架！」我真係好唔想年青人咁輕易畀魔鬼K.O，但事實擺在眼前，年青人面對魔鬼又是如此不堪一擊，可以點？

「人若自潔，脫離卑賤的事，就必作貴重的器皿，成為聖潔，合乎主用，預備行各樣的善事。你要逃避少年的私慾，同那清心禱告主的人追求公義、信德、仁愛、和平。」(提後2:21-22)

補記：話咁快，又一單：關楚耀衛詩涉日本藏毒被捕

.